ഒന്നാം ക്ലാസ്; 2 കൊല്ലത്തിനിടെ അര ലക്ഷം കുട്ടികൾ കുറഞ്ഞു

തിരുവനന്തപുരം ∙ പൊതുവിദ്യാലയങ്ങളിൽ ഒന്നാം ക്ലാസിൽ പ്രവേശനം നേടുന്നവരുടെ എണ്ണം 3 ലക്ഷത്തിൽ താഴെയാകുന്നത് സമീപകാലത്ത് ആദ്യമായാണ്. 2021–22 ൽ 3,48,741 കുട്ടികൾ ഒന്നാം ക്ലാസിൽ ചേർന്ന സ്ഥാനത്താണ് 2 വർഷത്തിനിടെ അര ലക്ഷത്തിലേറെ കുട്ടികളുടെ കുറവ്. ജനനനിരക്കിലെ കുറവാണ് ഒരു കാരണം; കോവിഡ് കാലത്തിനു ശേഷം കുട്ടികൾ മറ്റു സിലബസുകളിലേക്കു പോയതും കാരണമായി കരുതുന്നു.

സർക്കാർ സ്കൂളുകളിൽ കോട്ടയം, എറണാകുളം ഒഴികെയുള്ള ജില്ലകളിലും എയ്ഡഡ് മേഖലയിൽ പാലക്കാട് ഒഴികെയുള്ള ജില്ലകളിലും കുട്ടികൾ കുറഞ്ഞു. ഇത്തവണ ജില്ല തിരിച്ചുള്ള കണക്കിൽ കൂടുതൽ കുട്ടികളുള്ളത് മലപ്പുറത്തും (20.73%) കുറവ് (2.21%) പത്തനംതിട്ടയിലുമാണ്.

കുട്ടികളുടെ ആധാർ ഉൾപ്പെടെയുള്ള വിവരങ്ങൾ പരിശോധിച്ച് ഇക്കൊല്ലത്തെ തസ്തിക നിർ‍ണയ പ്രവ‍ർത്തനങ്ങൾ ആരംഭിച്ചു.

English Summary : First Class, Half a lakh children have decreased in 2 years