ക്യാമറകൾ കണ്ണടച്ചു; മാലിന്യം തള്ളുന്നതു കാണാതെ
![cctv-camera-representational-image പ്രതീകാത്മക ചിത്രം](https://img-mm.manoramaonline.com/content/dam/mm/mo/news/just-in/images/2023/4/18/cctv-camera-representational-image.jpg?w=1120&h=583)
Mail This Article
തിരുവനന്തപുരം∙ പൊതുസ്ഥലങ്ങളിൽ മാലിന്യം തള്ളുന്നതു കണ്ടെത്തി പിഴയീടാക്കാൻ ലക്ഷങ്ങൾ ചെലവഴിച്ച് തദ്ദേശ സ്ഥാപനങ്ങൾ സ്ഥാപിച്ച നിരീക്ഷണക്യാമറകൾ വേഗത്തിൽ തകരാറിലായി. ചില സ്ഥലങ്ങളിൽ പിഴയീടാക്കി തുടങ്ങിയപ്പോഴും മറ്റു ചിലയിടത്ത് അതിനു മുൻപും ക്യാമറ കേടായി.
തിരുവനന്തപുരം കോർപറേഷൻ 2018-19 കാലയളവിൽ 21 ലക്ഷം രൂപ മുടക്കി 15 ക്യാമറകൾ സ്ഥാപിച്ചിരുന്നു. ആദ്യഘട്ടങ്ങളിൽ മാലിന്യം തള്ളുന്നവരെയും വാഹനങ്ങളും കണ്ടെത്തി 41,930 രൂപ പിഴയീടാക്കി. എന്നാൽ, 2021 ഒക്ടോബർ മുതൽ ഇവ തകരാറിലായി.
കായംകുളം നഗരസഭയിൽ 5 ലക്ഷം രൂപ മുടക്കി 5 ക്യാമറയും ആലപ്പുഴയിൽ 5 ലക്ഷം മുടക്കി 11 ക്യാമറയുമാണു സ്ഥാപിച്ചത്. വൈദ്യുതി കണക്ഷൻ കൊടുക്കാത്തതിനാൽ ഇവ പ്രവർത്തിച്ചില്ല. ഇതുമൂലം ഒരു രൂപ പോലും പിഴയായി ഈടാക്കാൻ സാധിച്ചില്ലെന്നും സിഎജി റിപ്പോർട്ടിൽ പറയുന്നു. ഖജനാവിലെ പണം പാഴാക്കിയ ഉദ്യോഗസ്ഥരിൽ നിന്ന് ഈ തുക തിരികെ പിടിക്കണമെന്നും റിപ്പോർട്ടിൽ നിർദേശിച്ചിട്ടുണ്ട്.
English Summary: The surveillance cameras installed by the local bodies to observe waste disposal in public places malfunctioned