മരിച്ചത് എന്റെ കുട്ടിയാണെന്നു പറഞ്ഞു: ഡോ.മോഹനൻ കുന്നുമ്മൽ

കൊച്ചി ∙ ഡോ. വന്ദന ദാസിന്റെ കൊലപാതകവുമായി ബന്ധപ്പെട്ട് ആരോഗ്യ സർവകലാശാല ഹൈക്കോടതിയെ സമീപിച്ചതിൽ സംസ്ഥാന സർക്കാരിന് അതൃപ്തിയുണ്ടായിരുന്നുവെന്നു സൂചിപ്പിച്ച് ആരോഗ്യ സർവകലാശാല വൈസ് ചാൻസലർ ഡോ. മോഹനൻ കുന്നുമ്മൽ. 

വിഷയത്തിൽ ഹൈക്കോടതി ഇടപെടലുണ്ടായ ശേഷം എന്തിനാണു ഹൈക്കോടതിയെ സമീപിച്ചതെന്നു സർക്കാരിന്റെ ഭാഗത്തു നിന്നു ചോദ്യമുണ്ടായി. 

എന്തിനാണു കേസ് കൊടുത്തതെന്ന് ആരോഗ്യ വകുപ്പ് സെക്രട്ടറിയും ചോദിച്ചു. മരിച്ചതു എന്റെ കുട്ടിയാണെന്നാണു മറുപടി നൽകിയതെന്നും ഐഎംഎ കൊച്ചിയുടെ പ്രവർത്തനങ്ങളും ഭാരവാഹികളുടെ സ്ഥാനമേൽക്കൽ ചടങ്ങും ഉദ്ഘാടനം ചെയ്യവേ അദ്ദേഹം പറഞ്ഞു.