കേന്ദ്ര നിബന്ധനകൾ പാലിച്ചില്ല; 24 നഗരസഭകൾക്ക് ഗ്രാന്റ് നഷ്ടമായി

തിരുവനന്തപുരം∙ നിബന്ധനകൾ പാലിച്ചില്ലെന്നും സാമ്പത്തിക രീതികൾ മോശമാണെന്നുമുള്ള കാരണത്താൽ സംസ്ഥാനത്തെ 24 നഗരസഭകൾക്ക് കേന്ദ്ര ധനകാര്യ കമ്മിഷൻ ഗ്രാന്റ് ലഭിച്ചില്ല. 10 ലക്ഷത്തിൽ താഴെ ജനസംഖ്യയുള്ള നഗരസഭകളുടെ വികസനത്തിനു നൽകുന്ന കേന്ദ്ര വിഹിതത്തിൽ നിന്ന് 108.81 കോടി രൂപയാണു നഷ്ടപ്പെട്ടത്. 

അടൂർ, തിരുവല്ല, ചേർത്തല, കായംകുളം, ഈരാറ്റുപേട്ട, അങ്കമാലി, ഏലൂർ, തൃക്കാക്കര, ഇരിങ്ങാലക്കുട, വടക്കാഞ്ചേരി, ചെർപ്പുളശ്ശേരി, മഞ്ചേരി, പരപ്പനങ്ങാടി, തിരൂർ, വളാഞ്ചേരി, ഫറോക്ക്, രാമനാട്ടുകര, മാനന്തവാടി, സുൽത്താൻ ബത്തേരി, ഇരിട്ടി, പാനൂർ, പയ്യന്നൂർ, ശ്രീകണ്ഠാപുരം, കാസ‍ർകോട് എന്നീ നഗരസഭകൾക്കാണ് ഗ്രാന്റ് നഷ്ടമായത്.