കേരളത്തിലെ നഗരങ്ങളിൽ തൊഴിലില്ലായ്മ കൂടി

ന്യൂഡൽഹി ∙ 2023 ഒക്ടോബർ–ഡിസംബർ കാലയളവിൽ കേരളത്തിൽ നഗരമേഖലകളിലെ തൊഴിലില്ലായ്മനിരക്കു വർധിച്ചു. ജൂലൈ–സെപ്റ്റംബറിൽ 9.2 ശതമാനമായിരുന്നത് 10.3 ശതമാനമായി ഉയർന്നു. തൊഴിലില്ലായ്മ ഏറ്റവും കൂടുതൽ ഹിമാചൽപ്രദേശിലാണ് (12.3%). രണ്ടാമത് കേരളമാണ്. ഏറ്റവും കുറവ് ഹരിയാനയിലാണ് (3.1%). ഏപ്രിൽ–ജൂണിൽ കേരളത്തിലെ നിരക്ക് 10 ശതമാനമായിരുന്നു. ജനുവരി–മാർച്ചിൽ 9.7 ശതമാനവും. 

രാജ്യമാകെ നഗരമേഖലകളിലെ തൊഴിലില്ലായ്മ നിരക്ക് 6.5 ശതമാനമാണ്. ജൂലൈ–സെപ്റ്റംബറിൽ ഇത് 6.6 ശതമാനമായിരുന്നു. കേന്ദ്ര സ്റ്റാറ്റിസ്റ്റിക്കൽ മന്ത്രാലയത്തിന്റേതാണ് കണക്ക്. കേരളത്തിന്റെ സമീപ സംസ്ഥാനങ്ങളിലെ നിരക്ക്: തമിഴ്നാട് (6.7%), കർണാടക (3.6%), ആന്ധ്രപ്രദേശ് (8%). നഗരമേഖല കേന്ദ്രീകരിച്ചുള്ള കണക്കാണ് ഓരോ ത്രൈമാസവും കേന്ദ്ര സ്റ്റാറ്റിസ്റ്റിക്കൽ മന്ത്രാലയം പ്രസിദ്ധീകരിക്കുന്നത്. 

കേരളത്തിലെ തൊഴിലില്ലായ്മനിരക്ക്

ബ്രാക്കറ്റിൽ ജൂലൈ–സെപ്റ്റംബറിലെ നിരക്ക്

പുരുഷന്മാർ: 8.1% (6.6) 

സ്ത്രീകൾ: 14.7% (14.8)