സിനിമ റിലീസ് നിർത്തിവയ്ക്കൽ: തീരുമാനം മാറ്റില്ലെന്ന് ഫിയോക്
![movie-theater movie-theater](https://img-mm.manoramaonline.com/content/dam/mm/mo/district-news/kollam/images/2022/7/4/movie-theater.jpg?w=1120&h=583)
Mail This Article
കൊച്ചി ∙ മലയാള സിനിമകൾ റിലീസ് ചെയ്യുന്നതു 23 മുതൽ നിർത്തിവയ്ക്കാനുള്ള തീരുമാനത്തിൽ ഉറച്ചുനിൽക്കുമെന്നു തിയറ്റർ സംഘടനയായ ഫിയോക്. നിലവിൽ തിയറ്ററുകളിലുള്ള ചിത്രങ്ങളുടെ പ്രദർശനം തുടരുമെന്നും സംഘടന വ്യക്തമാക്കി.
തിയറ്ററുകളിൽ റിലീസ് ചെയ്യുന്ന മലയാള ചിത്രങ്ങൾ 42 ദിവസത്തിനു ശേഷമേ ഒടിടിയിൽ പ്രദർശിപ്പിക്കാൻ പാടുള്ളൂ എന്ന വ്യവസ്ഥ ചില നിർമാതാക്കൾ ലംഘിക്കുന്നതിൽ പ്രതിഷേധിച്ചാണു റിലീസ് നിർത്തിവയ്ക്കുന്നത്. ഒരു മാസം പോലും തികയും മുൻപേ ചിത്രങ്ങൾ ഒടിടിയിൽ വരുന്നതു തിയറ്റർ വരുമാനത്തെ ബാധിക്കുമെന്നും ഫിയോക് ചൂണ്ടിക്കാട്ടുന്നു.
റിലീസ് സമയത്തെ നിർമാതാക്കളുടെ തിയറ്റർ വിഹിതം 60 ശതമാനത്തിൽ നിന്ന് 55 ശതമാനമായി കുറയ്ക്കുക, റിലീസിന്റെ അടുത്ത രണ്ട് ആഴ്ചകളിൽ ഇത് 50, 40 ശതമാനം വീതമാക്കി നിശ്ചയിക്കുക തുടങ്ങിയ ആവശ്യങ്ങളും ഫിയോക് ഉന്നയിച്ചു.