വിവരാവകാശ കമ്മിഷണർ നിയമനം: പട്ടിക ഗവർണർ തിരിച്ചയച്ചു

തിരുവനന്തപുരം∙ വിവരാവകാശ കമ്മിഷണർമാരായി നിയമിക്കുന്നതിനു സർക്കാർ ശുപാർശ ചെയ്ത 3 പേരുടെ പട്ടിക ഗവർണർ തിരിച്ചയച്ചു. നടപടിക്രമം പാലിക്കാതെ തിരഞ്ഞെടുപ്പു നടത്തിയെന്നതടക്കമുള്ള പരാതികളിൽ വിശദീകരണം ആവശ്യപ്പെട്ടും ചില കേസുകളെ സംബന്ധിച്ച് വിജിലൻസ് നിലപാടു തേടിയുമാണ് ഫയൽ മുഖ്യമന്ത്രിക്കു മടക്കി അയച്ചത്. മൂന്നു പേരുകളാണ് മുഖ്യമന്ത്രി അധ്യക്ഷനായ സമിതി വിവരാവകാശ കമ്മിഷണർ സ്ഥാനത്തേക്കു ശുപാർശ ചെയ്തിരുന്നത്. മുഖ്യ വിവരാവകാശ കമ്മിഷണറായി മുൻ നിയമ സെക്രട്ടറി വി.ഹരി നായരെ കഴിഞ്ഞ ദിവസം ഗവർണർ നിയമിച്ചിരുന്നു