എൻഡിഎ സീറ്റ് ചർച്ച ഇന്ന്

തിരുവനന്തപുരം∙ സീറ്റ് വിഭജനകാര്യത്തിൽ എൻഡിഎയിൽ ഉഭയകക്ഷി ചർച്ച ഇന്നു തിരുവനന്തപുരത്തു നടക്കും. ബിജെപി 16 മണ്ഡലങ്ങളിലും ബിഡിജെഎസ് 4 മണ്ഡലങ്ങളിലുമാണു കഴിഞ്ഞ തവണ മത്സരിച്ചത്. ഇത്തവണയും ഈ രീതി തുടരണമെന്നാണു നിർദേശം. കോട്ടയം, വയനാട്, മാവേലിക്കര, ഇടുക്കി മണ്ഡലങ്ങൾ ബിഡിജെഎസിനു നൽകിയേക്കും.

ബിജെപിയുടെ ആദ്യ ഘട്ട സീറ്റുകളുടെ പ്രഖ്യാപനം 29നോ ഒന്നിനോ നടക്കും. തിരുവനന്തപുരം, ആറ്റിങ്ങൽ, പാലക്കാട്, പത്തനംതിട്ട, തൃശൂർ , കൊല്ലം, ആലപ്പുഴ, കോഴിക്കോട് മണ്ഡലങ്ങളാകും ആദ്യപട്ടികയിൽ. രണ്ടാം പട്ടിക പ്രഖ്യാപനം മാർച്ച് 10 കഴിയുമെന്നാണു വിവരം.