ഓൺലൈൻ ജോലി വാഗ്ദാനം ചെയ്ത് തട്ടിപ്പ്: 3 പേർ കൂടി അറസ്റ്റിൽ

ചെറുതോണി ∙ ഓൺലൈൻ ജോലി വാഗ്ദാനം ചെയ്ത്, ഇടുക്കി സ്വദേശിനിയായ യുവതിയിൽ നിന്ന് 26 ലക്ഷം രൂപ തട്ടിയെടുത്ത സംഭവത്തിൽ 3 പേരെക്കൂടി ഇടുക്കി സൈബർ ക്രൈം പൊലീസ് അറസ്റ്റ് ചെയ്തു. മലപ്പുറം നെടുംപറമ്പ് വലിയപറമ്പിൽ ഖൈറുന്നിസ (45), കീഴ്മുറി എടക്കണ്ടൻ മുഹമ്മദ് അജ്മൽ (19), വലിയോറ കാവുങ്കൽ ഉബൈദ് (33) എന്നിവരെയാണ് അറസ്റ്റ് ചെയ്തത്. മലപ്പുറം ചെറുവട്ടൂർ പുളിക്കുഴിയിൽ റഫീക്ക് (36), മോങ്ങം കറുത്തേടത്ത് ഇർഷാദ് (29) എന്നിവരെ കഴിഞ്ഞയാഴ്ച അറസ്റ്റ് ചെയ്തിരുന്നു. എസ്ഐ എം.എ.സിബിയുടെ നേതൃത്വത്തിലാണ് അറസ്റ്റ്.