ആന്റോ ആന്റണിക്കും ഉമ്മന്‍ചാണ്ടിക്കും എതിരെ പറഞ്ഞിട്ടില്ല: പി.ജെ.കുര്യൻ

പത്തനംതിട്ട∙ ആന്റോ ആന്റണി എംപിക്കെതിരെ ജനരോഷമുണ്ടെന്നു താൻ പറഞ്ഞതായും ഉമ്മൻ ചാണ്ടിയെ താൻ പരിഹസിച്ചതായും ഒരു ചാനലിൽ വന്ന വാർത്ത അടിസ്ഥാന രഹിതമാണെന്നു പി.ജെ.കുര്യൻ. എല്ലാ എംപിമാർക്കും സ്വാഭാവികമായി ഉണ്ടാകുന്ന ഭരണ വിരുദ്ധ വികാരം ആന്റോയ്ക്കെതിരെയും ഉണ്ടാകുമെന്നാണ് താൻ പറഞ്ഞത്. താൻ പറഞ്ഞത് അതുപോലെ നൽകാതെ വളച്ചൊടിച്ചു തെറ്റായ വാർത്തയാണ് ചാനൽ നൽകിയത്. ഉമ്മൻ ചാണ്ടിയെ പരിഹസിച്ചിട്ടില്ല. ഇതു ശരിയായ മാധ്യമ പ്രവർത്തനമല്ല. കാസർകോട്ടെ ഇരട്ടക്കൊലപാതകം നടക്കുന്നതിനു മുൻപ് എടുത്ത വാർത്ത കൊല്ലപ്പെട്ടവരുടെ സംസ്കാര ചടങ്ങുകൾ നടക്കുന്നതിനിടെ പ്രക്ഷേപണം ചെയ്തത് അനൗചിത്യമായി പോയെന്നും കുര്യൻ ഫെയ്സ്ബുക്ക് പോസ്റ്റിൽ പറഞ്ഞു.