അവിശുദ്ധ സഖ്യങ്ങള്‍ പരാജയപ്പെടും; തൂക്ക് സഭ രാജ്യത്തിന് ആവശ്യമില്ല: ജയ്റ്റ്ലി

ന്യൂഡൽഹി∙ അവിശുദ്ധ സഖ്യങ്ങള്‍ പരാജയപ്പെടുമെന്ന സൂചനയാണ് എക്സിറ്റ് പോളുകള്‍ നല്‍കുന്നതെന്നു കേന്ദ്രമന്ത്രി അരുണ്‍ ജയ്റ്റ്ലി. നേതാക്കളെ ജനങ്ങള്‍ വിലയിരുത്തുന്നതു കുടുംബത്തിന്റെയോ ജാതിയുടെയോ പേരിലല്ല.

സ്ഥിരതയുള്ള സര്‍ക്കാരിനാണു ജനങ്ങള്‍ വോട്ടുചെയ്തതെന്നും എതിരാളികള്‍ ഒന്നിക്കുന്ന തൂക്ക് സഭ രാജ്യത്തിന് ആവശ്യമില്ലെന്നും ജയ്റ്റ്ലി പറഞ്ഞു. 

ജനങ്ങളില്‍ നേരിട്ടെത്തി നടത്തിയ അഭിപ്രായ സര്‍വേകള്‍ വോട്ടിങ് യന്ത്രങ്ങള്‍ക്കെതിരെ പ്രതിപക്ഷം ഉയര്‍ത്തിയ ആരോപണങ്ങള്‍ക്കുള്ള മറുപടിയാണെന്നും അദ്ദേഹം ബ്ലോഗില്‍ കുറിച്ചു. 

English Summary: Election results to be in consonance with exit polls outcome: Arun Jaitley