നിപ്പ ബാധിച്ച് ചികിത്സയിലുള്ള യുവാവിന്റെ ആരോഗ്യ നില തൃപ്തികരം

കൊച്ചി∙ നിപ്പ ബാധിച്ച് ചികിത്സയിലുള്ള യുവാവിന്റെ ആരോഗ്യ നില തൃപ്തികരമെന്ന് ഔദ്യോഗിക റിപ്പോർട്ട്. കളമശേരി മെഡിക്കൽ കോളജിൽ നിരീക്ഷണത്തിലുണ്ടായിരുന്ന ഒരാളെക്കൂടി വെള്ളിയാഴ്ച ഡിസ്ചാർജ് ചെയ്തു. ഇതോടെ ഇവിടെ മൂന്നു പേരാണ് ഇനി നിരീക്ഷണത്തിലുള്ളത്. 

രോഗിയുമായി സമ്പർക്കമുണ്ടായതിനെ തുടർന്ന് നിരീക്ഷണപ്പട്ടികയിലുണ്ടായിരുന്നവരിൽ 3 പേരെക്കൂടി ഒഴിവാക്കി. ഇതോടെ ഒഴിവാക്കിയവരുടെ എണ്ണം 50 ആയി. ഇപ്പോൾ നിരീക്ഷണത്തിലുള്ളവരുടെ എണ്ണം 283 ആണ്. നിപ്പ പ്രതിരോധ പ്രവർത്തനങ്ങളുടെ ഭാഗമായി എറണാകുളം ജില്ലയിൽ വെള്ളിയാഴ്ച 2029 പേർക്ക് പരിശീലനം നൽകി. ഇതോടെ പരിശീലനം ലഭിച്ചവരുടെ എണ്ണം 33,625 ആയി.

English Summary: Nipah  Patient makes further progress