പി.ജെ. ജോസഫിന്റെ വീട്ടിലെത്തി സഹായം അഭ്യര്ഥിച്ച് ജോസ് ടോം; മഞ്ഞുരുകുന്നു
Mail This Article
×
തൊടുപുഴ ∙ പാലായിലെ യുഡിഎഫ് സ്ഥാനാർഥി ജോസ് ടോം കേരള കോൺഗ്രസ് എം വർക്കിങ് ചെയർമാൻ പി. ജെ. ജോസഫുമായി കൂടിക്കാഴ്ച നടത്തി. തൊടുപുഴയിലെ ജോസഫിന്റെ വീട്ടിലെത്തിയാണ് കൂടിക്കാഴ്ച്ച നടത്തിയത്. ഉപതിരഞ്ഞെടുപ്പിൽ സഹായം അഭ്യർഥിക്കാനാണ് ജോസഫിന്റെ വസതിയിലെത്തിയത്.
യുഡിഎഫിലെ മുതിർന്ന നേതാവ് എന്ന നിലയിൽ ജോസഫ് എല്ലാ സഹായങ്ങളും വാഗ്ദാനം ചെയ്തതായി ജോസ് ടോം മാധ്യമങ്ങളോടു പറഞ്ഞു. സ്ഥാനാർഥി വന്നു കണ്ടതിൽ സന്തോഷമുണ്ടെന്നു പി.ജെ. ജോസഫും പ്രതികരിച്ചു. പത്തു മിനിറ്റു മാത്രമായിരുന്നു കൂടിക്കാഴ്ച. പാലായിൽ കേരളാ കോൺഗ്രസിലെ തർക്കങ്ങൾ തുടരുന്ന സാഹചര്യത്തിൽ എല്ലാവരെയും ഒരുമിപ്പിച്ച് നിർത്താനാണ് ജോസ് ടോം കൂടിക്കാഴ്ച്ചയിലൂടെ ലക്ഷ്യമിടുന്നതെന്നാണ് സൂചന.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.