ജോളിക്കെതിരായ റിപ്പോർട്ട് മുക്കി; പഞ്ചായത്ത് അധികൃതരും വെട്ടിൽ

കോഴിക്കോട്∙ കൂടത്തായി കൊലപാതക പരമ്പരയിലെ പ്രതി ജോളി വ്യാജ ഒസ്യത്ത് ചമച്ചെന്ന വില്ലേജ് ഓഫീസറുടെ റിപ്പോർട്ട് കാണാനില്ല. ഓമശേരി പഞ്ചായത്ത് ഓഫീസിൽ നിന്നാണ് റിപ്പോർട്ട് കാണാതായത്. ജോളി വ്യാജ രേഖചമച്ച് വഞ്ചിച്ചെന്നാണ് കൂടത്തായി വില്ലേജ് ഓഫിസറുടെ റിപ്പോർട്ട്. പഞ്ചായത്ത് ഉദ്യോഗസ്ഥരോട് ക്രൈംബ്രാഞ്ച് വിശദീകരണം തേടിയിട്ടുണ്ട്. 

ഇതിനിടെ ഡിജിപി ലോക്നാഥ് ബെഹ്റ പൊന്നാമറ്റം വീട്ടിലെത്തി അന്വേഷണ പുരോഗതി വിലയിരുത്തി. അന്വേഷണ ഉദ്യോഗസ്ഥരുമായി ഡിജിപി ചർച്ചനടത്തും.