യൂണിവേഴ്സിറ്റി കോളജിലെ അക്രമം: ഏട്ടപ്പൻ മഹേഷ് അറസ്റ്റില്‍
Mail This Article
×
തിരുവല്ല ∙ തിരുവനന്തപുരം യൂണിവേഴ്സിറ്റി കോളജിൽ ഹോസ്റ്റലിൽ അക്രമം നടത്തിയ കേസിലെ പ്രധാന പ്രതി എസ്.എൻ.മഹേഷിനെ ( ഏട്ടപ്പൻ മഹേഷ് ) ഇരവിപേരൂർ കോഴിമലയിലെ ഒളിവിൽ കഴിഞ്ഞ വീട്ടിൽ നിന്നു തിരുവല്ല പൊലീസ് അറസ്റ്റു ചെയ്തു. ഇയാളെ മ്യൂസിയം പൊലീസിനു കൈമാറും.
കോളജിലെ കെഎസ്‌യു പ്രവർത്തകരെ അക്രമിച്ച കേസിലെ പ്രതിയാണ് എസ്.എൻ.മഹേഷ്. ഒളിവില്‍ കഴിയുന്നതിനിടെ ഹോസ്റ്റലില്‍ തിരികെയെത്തി കെഎസ്‌യു പ്രവര്‍ത്തകരുടെ സര്‍ട്ടിഫിക്കറ്റുകൾ ഇയാൾ കത്തിച്ചുകളഞ്ഞതായും പരാതി ഉണ്ടായിരുന്നു. ഹോസ്റ്റലിലും ഏട്ടപ്പന്റെ സ്വദേശമായ മുട്ടത്തറയിലും തിരഞ്ഞെങ്കിലും കണ്ടില്ലെന്നായിരുന്നു പൊലീസിന്റെ ആദ്യത്തെ വിശദീകരണം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
