സ്കൂൾ അസംബ്ലിയിൽ ഭരണഘടനയുടെ ആമുഖം വായിക്കണം: ഉത്തരവിട്ട് മഹാരാഷ്ട്ര സർക്കാർ
Mail This Article
മുംബൈ ∙ ജനുവരി 26 മുതൽ മഹാരാഷ്ട്രയിലെ സ്കൂളുകളിൽ അസംബ്ലിക്കിടെ ഭരണഘടനയുടെ ആമുഖം വായിക്കണമെന്ന ഉത്തരവുമായി സംസ്ഥാന സർക്കാർ. ഭരണഘടനയുടെ ഉള്ളടക്കവും പ്രാധാന്യവും സംബന്ധിച്ച് വിദ്യാർഥികൾക്കിടയിൽ അവബോധം സൃഷ്ടിക്കാൻ ലക്ഷ്യമിട്ടാണിതെന്ന് വിദ്യാഭ്യാസ മന്ത്രിയും കോൺഗ്രസ് നേതാവുമായ വർഷ ഗയ്ക്വാദ് ഉത്തരവിൽ വ്യക്തമാക്കി.
പൗരത്വ നിയമത്തിനെതിരെ പല കോണുകളിലും പ്രതിഷേധം നടക്കവെയാണ് ഭരണഘടനയുടെ പ്രാധാന്യം വിദ്യാർഥികളില് ആഴത്തിൽ എത്തിക്കാനുള്ള വിദ്യാഭ്യാസ വകുപ്പിന്റെ ശ്രമം. മഹാ വികാസ അഘാഡി സർക്കാരിലെ പ്രധാന സഖ്യകക്ഷിയായ ശിവസേന ഇതേക്കുറിച്ച് പ്രതികരിച്ചിട്ടില്ല. പൗരത്വ നിയമം ഭരണഘടനാ വിരുദ്ധമാണെന്നും മഹാരാഷ്ട്രയിൽ നടപ്പാക്കാൻ അനുവദിക്കില്ലെന്നുമാണ് സംസ്ഥാനത്തെ പല കോൺഗ്രസ് നേതാക്കളുടെയും നിലപാട്.
English Summary: Reciting preamble mandatory in schools at Maharashtra starting from January 26