സ്കൂളിന് സമീപമുള്ള വീട്ടിൽ പാചകവാതക സിലിണ്ടർ പൊട്ടിത്തെറിച്ചു; ആളപായമില്ല

കോഴിക്കോട് ∙ മാത്തോട്ടം ചേനോത്ത് സ്കൂളിന് സമീപമുള്ള വീട്ടിൽ പാചകവാതക സിലിണ്ടർ പൊട്ടിത്തെറിച്ചു. ആദ്യം ഉണ്ടായ അഗ്നിബാധയിൽ ചൂടായ സിലിണ്ടർ ആണ് പൊട്ടിത്തെറിച്ചത്. വീടിന് കാര്യമായ നാശനഷ്ടങ്ങൾ ഉണ്ടായി. മണ്ടോടി പറമ്പ് അബ്ദുൽ അസീസ് എന്ന ആളുടെ സ്പ്രിങ്സ് എന്ന് പേരായ 6/ 540 ഡി നമ്പർ വീട്ടിലാണ് അഗ്നിബാധയുണ്ടായത്.

മീഞ്ചന്ത ഫയർ ആൻഡ് റെസ്ക്യൂ സ്റ്റേഷനിലെ സ്റ്റേഷൻ ഓഫിസർ പി.വി. വിശ്വാസ്, സീനിയർ ഫയർ ആൻഡ് റെസ്ക്യൂ ഓഫിസർ സി. ദിനേശ് കുമാർ എന്നിവരുടെ നേതൃത്വത്തിൽ എത്തിയ രണ്ട് ഫയർ എൻജിനുകൾ അര മണിക്കൂർ സമയമെടുത്താണു തീ പൂർണമായും അണച്ചത്.

English Summary: Gas cylinder blast in house near a school