ബജറ്റ് പ്രസംഗം വാചകക്കസർത്ത്: ധനമന്ത്രിയെ പരിഹസിച്ച് പ്രതിപക്ഷ നേതാവ്

തിരുവനന്തപുരം ∙ ധനമന്ത്രിയുടെ ബജറ്റ് പ്രസംഗത്തെ പരിഹസിച്ച് പ്രതിപക്ഷ നേതാവ് രമേശ് ചെന്നിത്തല. 1103 കോടി രൂപയുടെ അധിക ബാധ്യതയാണ് ധനകാര്യ മന്ത്രി ഈ ബജറ്റിലൂടെ കെട്ടിയേൽപ്പിച്ചിരിക്കുന്നത്. ഇത്രയും വലിയ ഭാരം താങ്ങാനുള്ള കരുത്ത് കേരള ജനതയ്ക്കില്ലെന്നതാണ് വസ്തുത.

കേന്ദ്ര ധനമന്ത്രി നിർമല സീതാരാമൻ നടത്തിയ വാചകക്കസർത്തുപോലെ സംസ്ഥാന ധനകാര്യമന്ത്രിയും വാചകക്കസർത്തിലൂടെ ജനങ്ങളെ കമ്പളിപ്പിക്കാൻ ശ്രമിക്കുന്നു. വയനാട് കാപ്പിയെ ബ്രാൻഡ് ചെയ്യുമെന്ന് കഴിഞ്ഞ ബജറ്റിൽ പ്രഖ്യാപിച്ചു.

ആ ബ്രാൻഡ് ചെയ്ത കാപ്പി കുടിക്കാനുള്ള ഭാഗ്യം കേരളത്തിലെ ജനങ്ങൾക്ക് ലഭിച്ചിട്ടില്ലെന്നും അദ്ദേഹം പറഞ്ഞു. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു പ്രതിപക്ഷ നേതാവ്.

English Summary: Opposition Leader Ramesh Chennithala mocked Thomas Isaac on budget