ഇറാൻ വൈസ് പ്രസിഡന്റിന് കൊറോണ വൈറസ് ബാധ സ്ഥിരീകരിച്ചു

ടെഹ്‍റാൻ∙ ഇറാൻ വൈസ് പ്രസിഡന്റ് മസൗബേ എബ്റ്റേക്കറിന് കൊറോണ വൈറസ് ബാധ സ്ഥിരീകരിച്ചു. എന്നാൽ രോഗം ഗുരുതരമല്ലെന്നും വൈസ് പ്രസിഡന്റിനെ ആശുപത്രിയിൽ പ്രവേശിപ്പിച്ചിട്ടില്ലെന്നുമാണു റിപ്പോർട്ടുകൾ.

ചൈനയ്ക്ക് പുറത്ത് ഏറ്റവും കൂടുതൽ ആളുകൾ കൊറോണ വൈറസ് ബാധിച്ച് മരിച്ചത് ഇറാനിലാണ്. 26 പേർ ഇതിനകം മരിച്ചു. 106 ആളുകൾക്ക് പുതിയതായി വൈറസ് ബാധ കണ്ടെത്തി. ഇറാനിലെ ആരോഗ്യ സഹമന്ത്രി ഇറാജ് ഹാരിർഷിക്കും വൈറസ് ബാധയുള്ളതായി റിപ്പോർട്ടുകളുണ്ട്.

English Summary: Iran's Vice President Masoumeh Ebtekar tested positive for coronavirus