ട്രെയിനിനു മുന്നില്‍ ചാടി യുവാവ്; മൃതദേഹവുമായി ട്രെയിൻ ഓടിയതു 4 കിലോമീറ്റർ
Mail This Article
കോട്ടയം ∙ ട്രെയിനിനു മുന്നില്‍ ചാടിയ യുവാവിന്റെ മൃതദേഹവുമായി പാസഞ്ചർ ട്രെയിൻ ഓടിയത് നാലു കിലോമീറ്ററോളം. മൃതദേഹം എൻജിനിൽ കുടുങ്ങിക്കിടന്നത് അറിഞ്ഞത് ട്രെയിൻ റെയിൽവേ സ്റ്റേഷനിൽ എത്തിയപ്പോൾ.
ചിങ്ങവനം സ്റ്റേഷനിൽ രാവിലെ ആറരയോടെയാണ് സംഭവം. കൊല്ലം - എറണാകുളം പാസഞ്ചർ ട്രെയിനു മുന്നിലാണ് മൃതദേഹം കണ്ടത്. കുറിച്ചി മലകുന്നം ജീരകക്കുന്ന് ചേരുകുളം ലിജോ ജോസ് (29) ആണ് കൊല്ലപ്പെട്ടത്. ചങ്ങനാശേരി - ചിങ്ങവനം സ്റ്റേഷനുകൾക്ക് ഇടയിൽ കുറിച്ചി ഭാഗത്തുനിന്നു ഇയാൾ ട്രെയിനിനു മുന്നിൽ ചാടുകയായിരുന്നെന്ന് പൊലീസ് പറഞ്ഞു. എൻജിനു മുന്നിൽ മൃതദേഹം കുടുങ്ങിക്കിടന്നത് ലോക്കോ പൈലറ്റുമാർ അറിഞ്ഞിരുന്നില്ല. ട്രെയിൻ സ്റ്റേഷനിൽ എത്തിയപ്പോൾ റെയിൽവേ ജീവനക്കാരാണ് ഇതു കണ്ടത്.
തുടർന്ന് ലോക്കോ പൈലറ്റിനെ വിവരം അറിയിച്ച് ട്രെയിൻ പിടിച്ചിട്ടു. ചിങ്ങവനം പൊലീസ് തുടർനടപടി സ്വീകരിച്ചു. മൃതദേഹം കോട്ടയം മെഡിക്കൽ കോളജിലാണ്.
English Summary: Train accident in Kottayam
