മദ്യലഹരിയിൽ വാക്കുതർക്കം; മലപ്പുറത്ത് മകൻ തള്ളിയിട്ട പിതാവ് മരിച്ചു

മലപ്പുറം ∙ മദ്യലഹരിയിലുണ്ടായ തർക്കത്തിനിടെ മകൻ തള്ളിവീഴ്ത്തിയ പിതാവ് മരിച്ചു. തിരൂർ മുത്തൂർ സ്വദേശി പുളിക്കൽ മുഹമ്മദ് ഹാജി ആണ് മരിച്ചത്. മകൻ അബൂബക്കർ സിദ്ദിഖിനെ പൊലീസ് അറസ്റ്റ് ചെയ്തു. മദ്യപിച്ചെത്തിയ അബൂബക്കറിനെ പിതാവ് ചോദ്യം ചെയ്തതിനെ തുടർന്ന് ഇരുവരും തമ്മിൽ വാക്കുതർക്കമുണ്ടായി.

ഇതിനിടെ മകൻ പിതാവിനെ മർദിക്കുകയും തള്ളിവീഴ്ത്തുകയും ആയിരുന്നെന്നു പൊലീസ് പറഞ്ഞു. പരുക്കേറ്റ മുഹമ്മദ് ഹാജിയെ നാട്ടുകാർ ഉടനെ തിരൂർ ജില്ലാ ആശുപത്രിയിലെത്തിച്ചെങ്കിലും രക്ഷിക്കാനായില്ല.

English Summary: Alcoholic son killed father in Malappuram