ചൈനയ്ക്കു മറുപടി?; പ്രധാനമന്ത്രി മോദി ഇന്ന് രാജ്യത്തെ അഭിസംബോധന ചെയ്യും
Mail This Article
ന്യൂഡൽഹി ∙ പ്രധാനമന്ത്രി നരേന്ദ്ര മോദി ചൊവ്വാഴ്ച വൈകിട്ട് 4ന് രാജ്യത്തെ അഭിസംബോധന ചെയ്യും. പ്രധാനമന്ത്രിയുടെ ഔദ്യോഗിക ട്വിറ്റർ പേജിലൂടെയാണ് ഇക്കാര്യം അറിയിച്ചത്. കിഴക്കൻ ലഡാക്കിൽ ഇന്ത്യയും ചൈനയും തമ്മിലുള്ള സംഘർഷം തുടരുന്ന സാഹചര്യത്തിലാണ് പ്രധാനമന്ത്രി രാജ്യത്തോട് സംസാരിക്കുന്നതെന്നാണു സൂചന.
പ്രധാനമന്ത്രിയുടെ പ്രതിവാര റേഡിയോ പരിപാടിയായ മൻ കി ബാത്തിൽ ഞായറാഴ്ച ലഡാക്ക് വിഷയം മോദി പരാമർശിച്ചിരുന്നു. ചൈനയ്ക്ക് കൃത്യമായ മറുപടി തന്നെ ഇന്ത്യ നൽകിയിട്ടുണ്ടെന്നു പറഞ്ഞ മോദി, ഗൽവാൻ താഴ്വരയിൽ ജീവൻമരണ പോരാട്ടം നടത്തിയ ജവാൻമാരെ അഭിനന്ദിക്കുകയും ചെയ്തിരുന്നു.
ചൈനീസ് ഉൽപന്നങ്ങൾ നിരോധിക്കാനും അദ്ദേഹം ആഹ്വാനം ചെയ്തു. അതിന്റെ തുടർച്ചയെന്നോണം ടിക്ടോക് അടക്കം 59 ചൈനീസ് ആപ്പുകൾ നിരോധിക്കുന്നതായി കേന്ദ്ര ആഭ്യന്തര മന്ത്രാലയം തിങ്കളാഴ്ച അറിയിച്ചു.
English Summary :PM Modi To Address The Nation At 4 PM Tuesday