രാജ്യത്ത് ഒറ്റ ദിവസത്തിനിടെ 1033 കോവിഡ് മരണം; 61,871 പേർക്ക് കൂടി രോഗം
Mail This Article
ന്യൂഡൽഹി∙ രാജ്യത്ത് 24 മണിക്കൂറിനിടെ 1033 പേർ കോവിഡ് ബാധിച്ച് മരിച്ചു. ഒറ്റ ദിവസത്തിനിടെ 61,871 പേർക്ക് കൂടി രോഗം സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 74,94,552 ആയി. ആകെ മരണം 1,14,031. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് നിലവിൽ 7,83,311 പേർ ചികിത്സയിലാണ്. ഇതുവരെ 65,97,210 പേർ രോഗമുക്തരായി.
രോഗികൾ ഏറ്റവും കൂടുതലുള്ള മഹാരാഷ്ട്രയിൽ ആകെ രോഗബാധിതരുടെ എണ്ണം 15,86,321 ആയി. രണ്ടാം സ്ഥാനത്തുള്ള ആന്ധ്രാപ്രദേശിൽ 7,79,146 പേർക്കാണ് രോഗം. കർണാടകയിൽ 7,58,574 കേസുകൾ റിപ്പോർട്ട് ചെയ്തിട്ടുണ്ട്. 6,83,486 പേർക്കാണ് തമിഴ്നാട്ടിൽ രോഗം സ്ഥിരീകരിച്ചിട്ടുള്ളത്. ഉത്തർപ്രദേശിൽ ഇതുവരെ 4,52,660 കേസുകൾ റിപ്പോർട്ട് ചെയ്തു.
English Summary: India reports 61,871 new COVID–19 cases and 1033 deaths in the last 24 hours