മന്ത്രി ജലീലിനെ വീണ്ടും ചോദ്യം ചെയ്യും; തിങ്കളാഴ്ച ഹാജരാകാൻ കസ്റ്റംസ് നോട്ടിസ്
Mail This Article
×
കൊച്ചി∙ യുഎഇ കോൺസുലേറ്റ് വഴി നയതന്ത്ര മാർഗത്തിലൂടെ മതഗ്രന്ഥം ഇറക്കുമതി ചെയ്തു വിതരണം ചെയ്ത കേസിൽ തിങ്കളാഴ്ച ഹാജരാകാൻ മന്ത്രി കെ.ടി.ജലീലിന് കസ്റ്റംസിന്റെ നോട്ടിസ്. മന്ത്രിയുടെ കീഴിലുള്ള സി–ആപ്റ്റിന്റെ വാഹനത്തിലാണ് ഇവ വിതരണം ചെയ്തത്. നയതന്ത്ര പാഴ്സൽ വഴി എത്തുന്നവ പുറത്തു വിതരണം ചെയ്യുന്നത് നിയമപരമല്ലെന്നാണ് കസ്റ്റംസിന്റെ വിലയിരുത്തൽ.
മുൻപ് ദേശീയ അന്വേഷണ ഏജൻസിയും (എൻഐഎ) എൻഫോഴ്സ്മെന്റ് ഡയറക്ടേറ്റും (ഇഡി) മന്ത്രിയുടെ മൊഴിയെടുത്തിരുന്നു. മന്ത്രിയുടെ പഴ്സനൽ അസിസ്റ്റന്റിനെ നേരത്തെ കസ്റ്റംസ് തിരുവനന്തപുരത്തു ചോദ്യം ചെയ്തിരുന്നു. മന്ത്രിയുടെ ഗൺമാന്റെ ഫോൺ മലപ്പുറത്തെ വീട്ടിൽനിന്നു പിടിച്ചെടുക്കുകയും ചെയ്തിരുന്നു.
English Summary: Customs send notice to KT Jaleel
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.