ബഹിരാകാശത്തുനിന്ന് ഭൂമിയുടെ കാഴ്ച; ദൃശ്യങ്ങൾ പുറത്തുവിട്ട് വിക്ടർ ഗ്ലോവർ

വാഷിങ്ടൻ∙ രാജ്യാന്തര ബഹിരാകാശനിലയത്തില്‍ നിന്നുള്ള ഭൂമിയുടെ ദൃശ്യങ്ങള്‍ പുറത്തുവിട്ട് നാസ ശാസ്ത്രജ്ഞൻ വിക്ടർ ഗ്ലോവർ. യഥാർഥ കാഴ്ചയോടു നീതിപുലർത്താൻ ഈ വിഡിയോയ്ക്ക് കഴിയുന്നില്ല. എന്നിരുന്നാലും ഇത് അദ്ഭുതകരമാണെന്ന് ഗ്ലോവർ പറയുന്നു.

ബഹിരാകാശത്തുനിന്നുള്ള എന്റെ ആദ്യ വിഡിയോ ആണിത്. ഡ്രാഗൺ റിസിലൻസിന്റെ ജാലകത്തിലൂടെ ഭൂമിയിലേക്കു നോക്കുന്നു. സെൻസറി ഇൻപുട്ടുകളുടെയും വിശദാംശങ്ങളുടെയും തോത് അദ്ഭുതകരമായ കാഴ്ചയാണ് കാണിച്ചതെന്നും ഗ്ലോവർ ട്വിറ്ററിൽ കുറിക്കുന്നു.

രണ്ടു മില്യൺ ആളുകളാണ് ട്വിറ്ററിൽ ഈ വിഡിയോ കണ്ടത്. ഒരു ലക്ഷത്തോളം ലൈക്കുകളും ആയിരത്തിലധികം കമന്റുകളും ലഭിച്ചിട്ടുണ്ട്.

English Summary: NASA Astronaut Shares Breathtaking Video Of Earth From Space