അരുൺ എഴുത്തച്ഛന് കേരള സാഹിത്യ അക്കാദമി പുരസ്കാരം

തൃശൂർ ∙ 2019ലെ കേരള സാഹിത്യ അക്കാദമി പുരസ്കാരങ്ങൾ പ്രഖ്യാപിച്ചു. മനോരമ ചീഫ് റിപ്പോർട്ടർ അരുൺ എഴുത്തച്ഛന് സാഹിത്യ അക്കാദമി പുരസ്കാരം (25,000). യാത്രാവിവരണ വിഭാഗത്തിൽ ‘വിശുദ്ധ പാപങ്ങളുടെ ഇന്ത്യ’ ആണ് പുരസ്കാരത്തിനർഹമായത്.

പി.വൽസലയ്ക്കും എൻ.വി.പി.ഉണിത്തിരിക്കും അക്കാദമി വിശിഷ്ടാംഗത്വം ലഭിച്ചു. 50,000 രൂപയും രണ്ടു പവന്റെ സ്വർണ പതക്കവുമാണ് സമ്മാനം. എൻ.കെ.ജോസ്, പാലക്കീഴ് നാരായണൻ, പി.അപ്പുക്കുട്ടൻ, റോസ് മേരി, യു.കലാനാഥൻ, സി.പി.അബൂബക്കർ എന്നിവർക്ക് സമഗ്ര സംഭാവനയ്ക്കുള്ള പുരസ്കാരം ലഭിച്ചു. മുപ്പതിനായിരം രൂപയാണ് പുരസ്കാര തുക.

എസ്.ഹരീഷിന്റെ ‘മീശ’ എന്ന നോവലിനാണു പുരസ്കാരം. പി.രാമൻ (കവിത), വിനോയ് തോമസ് (ചെറുകഥ) എന്നിവരും പുരസ്കാരത്തിന് അർഹരായി.

English Summary: Kerala Sahithya Academy Awards 2019