ശരത് കുമാർ കമൽ ഹാസനെ സന്ദർശിച്ചു: തിര‍ഞ്ഞെടുപ്പിൽ സഹകരിക്കും

ചെന്നൈ∙ നടൻ ശരത് കുമാർ മക്കൾ നീതി മയ്യം അധ്യക്ഷൻ കമൽ ഹാസനെ സന്ദർശിച്ചു. അടുത്ത നിയമസഭാ തിരഞ്ഞെടുപ്പിൽ ശരത് കുമാറിന്റെ സമത്വ മക്കൾ കക്ഷി കമൽ ഹാസന്റെ മക്കൾ നീതി മയ്യം പാർട്ടിയുമായി സഹകരിക്കും. ഇതിന് മുന്നോടിയായാണ് കൂടിക്കാഴ്ച നടത്തിയത്.

എൻഡിഎ സഖ്യകക്ഷിയായിരുന്നു സമത്വ മക്കൾ കക്ഷി. ആൾവാർപേട്ടിലെ ഓഫിസിലെത്തിയാണ് കമൽ ഹാസനെ കണ്ടത്. മാർച്ച് ഒന്നു മുതൽ മക്കൾ നീതി മയ്യം സ്ഥാനാർഥികളെ തിര‍ഞ്ഞെടുക്കുന്നതിനുള്ള കൂടിക്കാഴ്ച ആരംഭിക്കും. മാർച്ച് മൂന്നിനാണ് കമൽ ഹാസൻ പ്രചാരണം ആരംഭിക്കുന്നത്. 

Content Highlights: Sarath Kumar meets Kamal Haasan