ശബരിമല, പൗരത്വ പ്രതിഷേധങ്ങളിൽ കേസുകൾ പിൻവലിക്കും, ഉത്തരവിറങ്ങി

തിരുവനന്തപുരം∙ ശബരിമല യുവതീ പ്രവേശവുമായി ബന്ധപ്പെട്ട സമരങ്ങളിലും പൗരത്വ ഭേദഗതി നിയമത്തിനെതിരെയുള്ള പ്രതിഷേധങ്ങളിലും റജിസ്റ്റർ ചെയ്ത ഗുരുതര സ്വഭാവമില്ലാത്ത കേസുകൾ പിൻവലിക്കാൻ ഉത്തരവിറങ്ങി. കേസുകൾ പിൻവലിക്കാൻ നേരത്തേ മന്ത്രിസഭായോഗം തീരുമാനിച്ചിരുന്നു.

റജിസ്റ്റർ ചെയ്ത കേസുകളുടെ നിലവിലെ സ്ഥിതി, സ്വഭാവം എന്നിവ പരിശോധിച്ച് ഡിജിപി, ജില്ലാ കലക്ടർമാർ‌, ജില്ലാ പൊലീസ് മേധാവികൾ തുടങ്ങിയവർ തുടർ നടപടികൾ സ്വീകരിക്കണമെന്ന് ഉത്തരവിൽ പറയുന്നു.

English Summary: Kerala government order to withdraw cases related Sabarimala women entry, CAA