പുതുതലമുറയ്ക്കായി വഴിമാറുന്നു; മത്സരിക്കാനില്ലെന്ന് പുതുച്ചേരി മുൻ മന്ത്രി ഇ.വത്സരാജ്

പുതുച്ചേരി∙ തിരഞ്ഞെടുപ്പിൽ ഇനി മത്സരിക്കാനില്ലെന്ന് പുതുച്ചേരി മുൻ മന്ത്രിയും കോൺഗ്രസ് നേതാവുമായ ഇ.വത്സരാജ്. പുതുതലമുറയ്ക്കായി വഴിമാറുകയാണെന്ന് അദ്ദേഹം വ്യക്തമാക്കി. മാഹിയിൽ നിന്ന് പുതുച്ചേരി മന്ത്രിസഭയിൽ ആദ്യമായി എത്തിയ നേതാവാണ് വത്സരാജ്. 

പുതുച്ചേരിയുടെ ഭാഗമായ മാഹി മണ്ഡലത്തിൽ 7 തവണ മത്സരിച്ചതിൽ 6 തവണ ജയിച്ച വത്സരാജ് കഴിഞ്ഞ തിരഞ്ഞെടുപ്പിൽ പരാജയപ്പെടുകയായിരുന്നു. വിവിധ കാലങ്ങളിലായി 4 തവണ മന്ത്രിയായിരുന്നു. 1990 മുതൽ 2016വരെ മാഹി എംഎൽഎയായിരുന്നു വത്സരാജ്. 

English Summary: E Valsaraj refuses to contest puducherry polls