'ശബരിമല വിഷയത്തില്‍ സിപിഎം ഗുരുതര തെറ്റ് ചെയ്തു; കേരളത്തിൽ ഇക്കുറി ബിജെപി മന്ത്രിസഭ'

കൊച്ചി∙ ശബരിമല വിഷയത്തില്‍ സിപിഎം ഗുരുതര തെറ്റ് ചെയ്തെന്നു അമിത് ഷാ. അതിക്രൂരമായി വിശ്വാസികളെ നേരിട്ടു. മുഖ്യമന്ത്രിയുടെ സെക്രട്ടറിക്ക് സ്വര്‍ണക്കടത്തുമായി ബന്ധമുണ്ടോയെന്ന് മുഖ്യമന്ത്രി പറയട്ടെയെന്നും അമിത് ഷാ തൃപ്പൂണിത്തുറയിൽ പറഞ്ഞു.

കോൺഗ്രസ് കൺഫ്യൂസ് പാർട്ടിയാണെന്നു അമിത് ഷാ പറഞ്ഞു. നേതൃത്വത്തിനും പാർട്ടിക്കും ആശയക്കുഴപ്പമാണ്. കേരളത്തിൽ കമ്യൂണിസ്റ്റ് പാർട്ടിയുമായി പോരടിക്കുന്നു. ബംഗാളിൽ അവരോടു കൈകോർത്തു മത്സരിക്കുന്നു. കേരളത്തിൽ ഇത്തവണ ബിജെപി മന്ത്രിസഭ രൂപീകരിക്കും.

ബിജെപിയുടെ വിജയം സുനിശ്ചിതമാണ്. തൃപ്പൂണിത്തുറയിൽ എൻഡിഎ റോഡ് ഷോയ്ക്കിടെ സംസാരിക്കുകയായിരുന്നു ഷാ. 20 മിനിറ്റായിരുന്നു റോഡ് ഷോ. ഹെലികോപ്ടറിൽ കാഞ്ഞിരപ്പള്ളിയിലേക്കു പുറപ്പെട്ടു. അവിടെ ഉടൻ പൊതുയോഗത്തിൽ പ്രസംഗിക്കും. 

English Summary: Amit Shah against CPM on Sabarimala Issue