നാല് കവറുകളിലായി 85,000 രൂപ; വനം വകുപ്പ് ഉന്നത ഉദ്യോഗസ്ഥൻ വിജിലൻസ് കസ്റ്റഡിയിൽ
Mail This Article
×
വടകര (കോഴിക്കോട്)∙ വനം വകുപ്പിലെ ഉന്നത ഉദ്യോഗസ്ഥൻ വിജിലൻസിന്റെ പിടിയിൽ. സോഷ്യൽ ഫോറസ്ട്രി അഡീഷനൽ പ്രിൻസിപ്പൽ ചീഫ് കൺസർവേറ്റർ ഇ.പ്രദീപ് കുമാറിനെയാണ് വിജിലൻസ് പിടികൂടിയത്. അനധികൃതമായി കൊണ്ടു പോവുകയായിരുന്ന 85,000 രൂപയും പിടിച്ചെടുത്തു.
കോഴിക്കോട് വിജിലൻസ് സ്പെഷൽ സെൽ എസ്പി എസ്.ശശിധരന്റെ നേതൃത്വത്തിലുള്ള സംഘം ദേശീയ പാതയിൽ കൈനാട്ടിയിൽ വച്ചാണ് കസ്റ്റഡിയിലെടുത്തത്. പണം 4 കവറിലാക്കി സൂക്ഷിച്ച നിലയിലായിരുന്നു. പ്രദീപ് കുമാറിനെ ചോദ്യം ചെയ്യാൻ കോഴിക്കോട് വിജിലൻസ് ഓഫിസിലേക്ക് കൊണ്ടു പോയി.
English Summary: Vigilance takes senior forest department officer into custody
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
