കള്ളപ്പണക്കേസ്: പി.എസ്.സരിത്ത്, സന്ദീപ് നായർ എന്നിവർക്ക് ജാമ്യം

കൊച്ചി ∙ എൻഫോഴ്സ്മെന്റ് ഡയറക്ടറേറ്റ് (ഇഡി) റജിസ്റ്റർ ചെയ്ത കള്ളപ്പണക്കേസിൽ പ്രതികളായ പി.എസ്.സരിത്ത്, സന്ദീപ് നായർ എന്നിവർക്ക് കോടതി ജാമ്യം അനുവദിച്ചു. എറണാകുളം പ്രിൻസിപ്പൽ സെഷൻസ് കോടതിയാണ് ജാമ്യം അനുവദിച്ചത്.

നേരത്തെ മുഖ്യമന്ത്രിയുടെ പ്രിൻസിപ്പൽ സെക്രട്ടറി എം.ശിവശങ്കറിനു ജാമ്യം ലഭിച്ചതിനു പിന്നാലെയാണ് ഇരു പ്രതികളും ജാമ്യാപേക്ഷയുമായി കോടതിയെ സമീപിച്ചത്. ഇരുവർക്കും ജാമ്യം ലഭിച്ചെങ്കിലും കസ്റ്റംസ് റജിസ്റ്റർ ചെയ്ത കേസിൽ കോഫപോസ ചുമത്തിയിട്ടുള്ളതിനാൽ പുറത്തിറങ്ങാനാവില്ല.

English Summary: Sandeep Nair and sarith gets bail