പശ്ചിമേഷ്യ യുദ്ധസമാന സാഹചര്യത്തിലേക്കു പോകുകയാണ്. ഇസ്രയേൽ – പലസ്തീൻ സംഘർഷത്തിന് ഒരാഴ്ചയാകുമ്പോഴും അയവില്ല. ഇക്കഴിഞ്ഞ ചെറിയ പെരുന്നാൾ പോലും മനസമാധാനത്തോടെ ആഘോഷിക്കാൻ ഗാസയിലെ നിവാസികൾക്കു കഴിഞ്ഞില്ല. ഗാസ ആരോഗ്യമന്ത്രാലയത്തിന്റെ കണക്ക് അനുസരിച്ച് ശനിയാഴ്ച വരെ 139 പലസ്തീൻകാരാണ് ഇസ്രയേൽ വ്യോമാക്രമണത്തിൽ കൊല്ലപ്പെട്ടത്. ഇതിൽ 39 കുട്ടികളും ഉൾപ്പെടും. ഇസ്രയേലിൽ രണ്ടു കുട്ടികൾ ഉൾപ്പെടെ 10 പേരും കൊല്ലപ്പെട്ടു.
