വയലാര് രാമവര്മയുടെ മകള് സിന്ധു കോവിഡ് ബാധിച്ച് മരിച്ചു
Mail This Article
ചാലക്കുടി∙ വയലാര് രാമവര്മ്മയുടെ ഇളയമകള് സിന്ധു (54) കോവിഡ് ബാധിച്ച് മരിച്ചു. ശ്വാസതടസം നേരിട്ടതിനെ തുടര്ന്ന് ശനിയാഴ്ച രാത്രിയിലാണ് സിന്ധുവിനെ പാലക്കാട് സ്വകാര്യ ആശുപത്രിയില് പ്രവേശിപ്പിച്ചത്.
ചാലക്കുടി പാലസ് റോഡില് ലായത്തില് മഠം കൃഷ്ണകുമാറിന്റെ ഭാര്യയാണ്. മകള് മീനാക്ഷി (ഗവേഷണ വിദ്യാര്ഥി). ദീര്ഘനാളായി അര്ബുദം ബാധിച്ചു ചികിത്സയിലായിരുന്നു.
ചാലക്കുടിയില് താമസിക്കുന്ന സിന്ധു വൈദ്യപരിശോധനയുമായി ബന്ധപ്പെട്ടാണ് ഒരാഴ്ച മുമ്പ് പാലക്കാട് എത്തിയത്. രോഗം ഭേഗമായി രണ്ട് ദിവസം മുമ്പ് പാലക്കാട് താമസിക്കുന്ന സഹോദരി ഇന്ദുലേഖയുടെ വീട്ടിലേക്ക് മാറി. ഇന്നലെ രാത്രി ശ്വാസതടസം കൂടിയതിനെ തുടര്ന്ന് വീണ്ടും ആശുപത്രിയിലേക്ക് മാറ്റിയെങ്കിലും മരിച്ചു. മരണശേഷം നടത്തിയ പരിശോധനയിലാണു കോവിഡ് സ്ഥിരീകരിച്ചത്. കോവിഡ് പ്രോട്ടോകോള് പ്രകാരം സംസ്കാരം പാലക്കാട് നടത്തും.
English Summary: Vayalar Ramavarma's Daughter dies of covid