മലയാളി മെഡിക്കൽ വിദ്യാർഥി റൊമാനിയയിൽ മുങ്ങിമരിച്ചു; സുഹൃത്തിനെ രക്ഷിക്കുന്നതിനിടെ അപകടം

കോട്ടയം ∙ മലയാളി മെഡിക്കൽ വിദ്യാർഥി റൊമാനിയയിൽ വെള്ളത്തിൽ വീണു മരിച്ചു. തലയോലപ്പറമ്പ് പ്രദീപ് ഭവനിൽ (ചെറുകര) പ്രദീപ്കുമാറിന്റെയും (റിട്ട. അധ്യാപകൻ ആശ്രമം സ്കൂൾ, വൈക്കം) രേഖയുടെയും (അധ്യാപിക, വിശ്വഭാരതി സ്കൂൾ, കീഴൂർ) മകൻ ദേവദത്ത് (20) ആണ് മരിച്ചത്. ഇന്ത്യൻ സമയം വെള്ളിയാഴ്ച രാത്രി 11.30 ഓടെ റൊമാനിയയിലെ മൾട്ടോവയിലായിരുന്നു അപകടം. തടാകത്തിന്റെ തിട്ടയിൽ ഇരിക്കുന്നതിനിടെ വെള്ളത്തിൽ വീണ സുഹൃത്തിനെ രക്ഷിക്കാൻ ശ്രമിക്കുന്നതിനിടെയാണ് അപകടം ഉണ്ടായതെന്നാണു വിവരം.

English Summary: Kerala medical student drowned in Romania