‘നിതിനയെ കൊല്ലാൻ ബ്ലേഡ് വാങ്ങി പേപ്പര്കട്ടറിൽ ഇട്ടു; അമ്മയ്ക്കും ഭീഷണി സന്ദേശം’
Mail This Article
കോട്ടയം ∙ പാലാ സെന്റ് തോമസ് കോളജിൽവച്ച് നിതിനയെ കൊലപ്പെടുത്താന് ബ്ലേഡ് വാങ്ങിയെന്ന് പ്രതി അഭിഷേകിന്റെ മൊഴി. പേപ്പര് കട്ടറിലെ പഴയ ബ്ലേഡ് മാറ്റി പുതിയതിട്ടെന്നും അഭിഷേക് പൊലീസിനോട് പറഞ്ഞു. നിതിനയുടെ അമ്മയ്ക്ക് അടക്കം അഭിഷേക് ഭീഷണി സന്ദേശം അയച്ചിരുന്നു. ബ്ലേഡ് വാങ്ങിയ കടയിലും കോളജിലും പ്രതിയെ എത്തിച്ച് തെളിവെടുക്കും.
പ്രതിയെ ഒരുദിവസം കസ്റ്റഡിയില് വാങ്ങാനും പൊലീസ് തീരുമാനിച്ചു. അഭിഷേക് കഴിഞ്ഞ ദിവസങ്ങളിൽ നടത്തിയ ഫോൺ സംഭാഷണങ്ങൾ ഉൾപ്പെടെ പരിശോധിക്കും. കൃത്യം നടത്താൻ അഭിഷേകിന് മറ്റാരുടെയെങ്കിലും സഹായം ലഭ്യമായിട്ടുണ്ടോ എന്നും അന്വേഷിക്കും.
വെള്ളിയാഴ്ച രാവിലെ 11.15നു നിതിന പരീക്ഷ കഴിഞ്ഞിറങ്ങിയപ്പോഴാണ് അഭിഷേക് ക്രൂരമായി കൊലപ്പെടുത്തിയത്. കൊലയ്ക്കുശേഷം കത്തിയുമായി സമീപത്തിരുന്ന സഹപാഠി കൂത്താട്ടുകുളം കോഴിപ്പള്ളി ഉപ്പനായിൽ പുത്തൻപുരയിൽ അഭിഷേക് ബൈജുവിനെ (20) പൊലീസെത്തി അറസ്റ്റ് ചെയ്തു.
English Summary : Abhishek statement on Nithina murder