പലിശ നിരക്കുകളിൽ മാറ്റമില്ല; വായ്പാ നയം പ്രഖ്യാപിച്ച് ആർബിഐ

ന്യൂഡൽഹി∙ പലിശ നിരക്കുകളിൽ മാറ്റം വരുത്താതെ പുതിയ വായ്പാ നയം പ്രഖ്യാപിച്ച്  റിസർവ് ബാങ്ക് ഓഫ് ഇന്ത്യ. മൂന്ന് ദിവസം നീണ്ട വായ്പാ അവലോകന യോഗത്തിനു ശേഷമാണ് ഇതു സംബന്ധിച്ചു തീരുമാനമായത്. റീപ്പോ നിരക്ക്, റിവേഴ്സ് റീപ്പോ നിരക്ക് എന്നിവ 4 ശതമാനവും 3.35 ശതമാനവുമായി തുടരുമെന്ന് ആർബിഐ ഗവർണർ ശക്തികാന്ത ദാസ് അറിയിച്ചു.

തുടർച്ചയായി എട്ടാം തവണയാണ് നിരക്കുകളിൽ മാറ്റമില്ലാതെ തുടരുന്നത്. രാജ്യത്ത് പണപ്പെരുപ്പ നിരക്ക് ഉയരുകയാണ്. ഈ സാഹചര്യത്തിലാണ് പലിശനിരക്ക് മാറ്റേണ്ടതില്ലെന്ന് ആർബിഐ തീരുമാനിച്ചത്. സമ്പദ്ഘടന വളർച്ചയുടെ പാതയിലാണെന്നും ഗവർണർ അഭിപ്രായപ്പെട്ടു.

English Summary: RBI keeps repo rate unchanged at 4%