‘മക്കളുടെ കഴുത്തിൽ കത്തിവച്ച് ഭീഷണി; അമ്മ വിചാരിച്ചാൽ പണമുണ്ടാക്കാമെന്ന് പറഞ്ഞു’
Mail This Article
കോട്ടയം∙ സമൂഹമാധ്യമങ്ങൾ വഴി പങ്കാളികളെ കൈമാറ്റം ചെയ്തെന്ന കേസിൽ കൂടുതല് വെളിപ്പെടുത്തലുമായി പരാതിക്കാരിയുടെ കുടുംബം. എട്ടുപേരാണ് തന്റെ സഹോദരിയെ പീഡിപ്പിച്ചത്. ഒരിക്കൽ സഹോദരിയെ കെട്ടിയിട്ടതായി സഹോദരൻ മനോരമ ന്യൂസിനോട് പറഞ്ഞു. സംഘാംഗങ്ങളിൽനിന്ന് ജീവന് ഭീഷണിയുണ്ടെന്നും സഹോദരൻ പറഞ്ഞു.
ആദ്യം അറിഞ്ഞപ്പോള് സഹോദരീ ഭര്ത്താവിനെ തല്ലാന് ശ്രമിച്ചതാണ് . മാപ്പ് പറഞ്ഞു ആവര്ത്തിക്കില്ലെന്ന് ഉറപ്പുനല്കി. അമ്മ വിചാരിച്ചാൽ പണമുണ്ടാക്കാമെന്ന് കുട്ടികളോട് പോലും പറഞ്ഞു. മക്കളുടെ കഴുത്തിൽ കത്തിവച്ച് ഭീഷണിപ്പെടുത്തിയാണ് സഹോദരിയെ ഇതിലേക്ക് വലിച്ചിഴച്ചത്. പല കാരണങ്ങളും പറഞ്ഞാണ് ഇവരുടെ ഒത്തുചേരല്. ആലപ്പുഴയില് ഇത്തരമൊരു സംഗമം നടക്കാനിരിക്കെയാണ് സഹോദരി സമ്മര്ദം താങ്ങാതെ സംഭവം വെളിപ്പെടുത്തിയത്. പ്രതിക്ക് ഇരുപതിലേറെ വ്യാജ അക്കൗണ്ടുകളുണ്ട്. പ്രതിയുടെ കുടുംബാംഗങ്ങളില് നിന്നും സംഘാംഗങ്ങളില് നിന്നും ജീവന് ഭീഷണിയുണ്ടെന്നും സഹോദരന് പറഞ്ഞു.
പത്തനാട് സ്വദേശിയായ യുവതി (27) ഭർത്താവ് (32) അടക്കമുള്ളവർക്കെതിരെ നൽകിയ പരാതിയിൽ 9 പേർക്കെതിരെയാണു പൊലീസ് കേസ് എടുത്തത്. കേസിൽ ആറു പേർ അറസ്റ്റിലായി. ബാക്കിയുള്ള മൂന്നു പേരിൽ ഒരാള് സൗദിയിലേക്കു കടന്നതായാണ് വിവരം. മറ്റു രണ്ടു പേരെക്കുറിച്ച് അന്വേഷണം തുടരുന്നു.
English Summary: Victim's brother about Couple swapping racket