തിരുവനന്തപുരം ∙ കോവിഡിന്റെ അതിതീവ്ര വ്യാപനം രൂക്ഷമാകുകയാണ് കേരളത്തിൽ. കഴിഞ്ഞ 10 ദിവസത്തിനിടെ രോഗികളുടെ എണ്ണത്തിൽ നാലിരട്ടി വർധന. പ്രായമായവർക്കും മറ്റ് അനുബന്ധ രോഗമുള്ളവർക്കും കോവിഡ് ബാധിച്ചാൽ പെ‍ട്ടെന്ന് ഗുരുതരമാകാൻ സാധ്യതയുണ്ടെന്ന് ആരോഗ്യമന്ത്രി വീണാ ജോർജ് മുന്നറിയിപ്പു നൽകുന്നു. രോഗികളുടെ എണ്ണം കുത്തനെ ഉയർന്നാൽ ആശുപത്രികളിലെത്തുന്ന രോഗികളുടെ എണ്ണവും കൂടിയേക്കാം. അതോടൊപ്പം ഗുരുതരാവസ്ഥയി‍ൽ എത്തുന്ന രോഗികളുടെ എണ്ണവും മരണങ്ങളും കൂടാനും സാധ്യതയുണ്ട്.
