രവീന്ദ്രൻ പട്ടയം: ആരെയും ഒഴിപ്പിക്കില്ല, ആശങ്കകൾ പരിഹരിക്കുമെന്ന് കോടിയേരി

തിരുവനന്തപുരം∙ പട്ടയം റദ്ദാക്കിയതിന്റെ പേരിൽ ഇടുക്കി ജില്ലയിൽ ആരെയും ഒഴിപ്പിക്കാൻ ഉദ്ദേശിക്കുന്നില്ലെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. അവിടെ സിപിഎമ്മും സിപിഐയും ചൂണ്ടിക്കാട്ടിയ ആശങ്കകൾ പരിഹരിക്കുമെന്നും അദ്ദേഹം പറഞ്ഞു. രവീന്ദ്രൻ പട്ടയം റദ്ദാക്കിയ സർക്കാർ നടപടി സിപിഎമ്മിന്റെ തീരുമാനം തന്നെയാണ്. ഇടുക്കി ജില്ലയിൽ സിപിഎമ്മിലും സിപിഐയിലും ഉണ്ടായ ആശങ്കകൾ പരിഹരിക്കുമെന്നും കോടിയേരി വ്യക്തമാക്കി.

ആക്ഷേപം ഉണ്ടായ സാഹചര്യത്തിൽ പട്ടയത്തിന്റെ നിയമസാധുത പരിശോധിക്കുകയായിരുന്നു ലക്ഷ്യം. പട്ടയം ലഭിച്ച ആരെയും ഒഴിപ്പിക്കില്ല. പട്ടയം നഷ്ടമായവർ വീണ്ടും അപേക്ഷ നൽകി നടപടികൾ പൂർത്തിയാക്കണം. പരിശോധനകൾ നടത്തി വീണ്ടും പട്ടയം നൽകും. ആരെയും ഒഴിപ്പിക്കാൻ സർക്കാർ തീരുമാനിച്ചിട്ടില്ലെന്നും കോടിയേരി കൊച്ചിയിൽ മാധ്യമങ്ങളോടു പറഞ്ഞു.

English Summary: Kodiyeri Balakrishnan on Raveendran deed issue