സിപിഐ സംസ്ഥാന സെക്രട്ടറി കാനം രാജേന്ദ്രനെ മാറ്റി നിർത്തിയാൽ സിപിഐയുടെ പരമോന്നത സമിതിയായ കേന്ദ്ര സെക്രട്ടേറിയറ്റിൽ കേരളത്തിൽ നിന്ന് ഒരു നേതാവ് മാത്രമേയുള്ളൂ: രാജ്യസഭാംഗം കൂടിയായ ബിനോയ് വിശ്വം. സിപിഐയുടെ കേന്ദ്ര–സംസ്ഥാന നേതൃത്വങ്ങളെ കൂട്ടിയിണക്കുന്ന കണ്ണി കൂടിയാണ് ഇന്നു ബിനോയ്. ഡൽഹിയിലെ ചുമതലകൾക്കൊപ്പം കേരള നേതൃത്വത്തെ സഹായിക്കുക എന്ന ദൗത്യവും അദ്ദേഹം നിർവഹിക്കുന്നു.
