ന്യൂഡൽഹി ∙ ഇന്ത്യ ഒരാവേശമായി മാറുന്ന ദിവസമാണ് റിപ്പബ്ലിക് ദിനം. വിജയ് ചൗക്കും പടക്കോപ്പുകളും ചിട്ടയൊപ്പിച്ചു മുന്നേറുന്ന സൈനികരും ആകാശക്കാഴ്ചകളും. നൽകുന്ന ആവേശം ചെറുതല്ല. ഓർക്കണം അതികഠിനമാണ് ഈ ദിവസങ്ങളിൽ ഡൽഹിയിലെ തണുപ്പ്. നഗരം മൂടിപ്പുറച്ചുറങ്ങുന്ന പുലർച്ചെകളിൽ വിജയ് ചൗക്കിൽ പരിശീലനത്തിനെത്തുന്ന നൂറുകണക്കിനു സൈനികർ. ഒരു മാസത്തോളമായി പരേഡിന്റെയും മറ്റും പരിശീലനം ഡൽഹിയിൽ ആരംഭിച്ചിട്ട്.
