ന്യൂഡൽഹി ∙ പ്രഫഷനൽ കൊമേഡിയനിൽ നിന്നു ആംആദ്മി പാർട്ടിയുടെ (എഎപി) പഞ്ചാബ് മുഖ്യമന്ത്രി സ്ഥാനാർഥിയിലേക്കുള്ള ഭഗവന്ത് മന്നിന്റെ യാത്രയ്ക്കു 10 വർഷത്തെ അകലമേയുള്ളൂ. 38–ാം വയസിൽ പീപ്പിൾസ് പാർട്ടി ഓഫ് പഞ്ചാബിൽ (പിപിപി) ചേർന്ന ഭഗവന്ത് സിങ് മൻ 48–ാം വയസിൽ എഎപിയുടെ പഞ്ചാബിന്റെ മുഖ്യമന്ത്രി സ്ഥാനാർഥിയായി മൽസരിക്കുമ്പോൾ വിജയം മാത്രമാണു ലക്ഷ്യം. സർവേ ഫലങ്ങൾ എഎപിക്ക് അനുകൂലമായി നിൽക്കുന്നു. ഒന്നിലേറെ സംസ്ഥാനത്തു ഭരണം നടത്തുന്ന ആദ്യ പ്രാദേശിക പാർട്ടിയായി മാറുകയെന്ന ലക്ഷ്യവും എഎപിയ്ക്കു മുന്നിലുണ്ട്.
