'നേര്‍രേഖയിലായിരുന്ന അലൈന്‍മെന്റില്‍ മാറ്റമുണ്ടായി; അതിനുത്തരം കെ റെയില്‍ പറയണം'

തിരുവനന്തപുരം ∙ സില്‍വര്‍ലൈന്‍ അലൈന്‍മെന്റിലെ മാറ്റം കെ റെയില്‍ വിശദീകരിക്കണമെന്ന് തിരുവഞ്ചൂര്‍ രാധാകൃഷ്ണൻ എംഎൽഎ. 'നേര്‍രേഖയിലായിരുന്ന അലൈന്‍മെന്റില്‍ മാറ്റമുണ്ടായി. അതിനുത്തരം കെ റെയില്‍ അധികൃതർ പറയണം. തനിക്കെന്ന പേരില്‍ കെ റെയില്‍ ഇറക്കിയ വിശദീകരണത്തില്‍ വ്യക്തതയില്ല'- തിരുവഞ്ചൂര്‍ പറഞ്ഞു.

'യഥാർത്ഥത്തിൽ 2021 ഡിസംബറിൽ സിൽവർലൈൻ അലൈൻമെന്റ് മാപ്പ് ഒരു പോർട്ടലിൽ പ്രസിദ്ധീകരിച്ചിട്ടുള്ളതാണ്. അത് തന്നെയാണ് പിന്നീട് സിൽവർലൈൻ വെബ്‌സൈറ്റിലും കാണാനായത്. എന്നാൽ പിന്നീട് ആ മാപ്പ് കെ റെയില്‍ വെബ്സൈറ്റിൽ നിന്ന് അപ്രത്യക്ഷമായി. ഇപ്പോൾ ഏത് അലൈൻമെന്റ് ആണ് ഔദ്യോഗികം എന്നത് സംബന്ധിച്ച് ആശയക്കുഴപ്പം നിലനിൽക്കുന്നുണ്ട്. ഇത് കെ റെയിൽ അധികൃതർ വിശദീകരിക്കണം'- തിരുവഞ്ചൂർ രാധാകൃഷ്ണൻ കൂട്ടിച്ചേർത്തു.

English Summary: 'K Rail Authorities Must Answer This!' Thiruvanchoor slams Change in Silverline Alignment