അമിട്ടു പോലെ നെഞ്ചിൽപ്പൊട്ടുന്നൊരു ചോദ്യം: വെടിക്കെട്ടില്ലെങ്കിൽ വെടിമരുന്ന് എന്തുചെയ്യും?

തൃശൂർ പൂരം വെടിക്കെട്ട് നടക്കുമോ? പൂരപ്രേമികളുടെ മനസ്സിൽ അമിട്ടു പോലെ പൊട്ടുകയാണ് ഈ ചോദ്യം. കാലാവസ്ഥ അനുകൂലമായാൽ ശനി രാത്രിതന്നെ വെടിക്കെട്ട് നടക്കും; അപ്പോഴും ആശങ്കയുടെ ആകാശത്ത് ഒരു ചോദ്യം ബാക്കി. വെടിക്കെട്ട് നടത്താനായില്ലെങ്കിൽ ആ കരിമരുന്ന് എന്തു ചെയ്യും? മഴ മാനത്തു കാണുമ്പോൾ പൂരപ്രേമിയുടെ നെഞ്ചു കത്തുകയാണ്. മഴയിൽ മരുന്നു നനഞ്ഞിരിക്കുമോ? നനഞ്ഞ മരുന്നു പൊട്ടുമോ?.. Thrissur Pooram Vedikkettu