Premium

ഡോളറിനു മുന്നിൽ തരിപ്പണമായി രൂപ; ഇനി ഇടിഞ്ഞാല്‍ സ്വർണം ‘പിടിച്ചാൽ കിട്ടില്ല’

Gold Rate
Illustration Contributor: Shutterstock/pixxelstudio91, INDRANIL MUKHERJEE / AFP
SHARE

സ്വർണത്തിന്റെ ഇറക്കുമതി നികുതി ഒറ്റയടിക്ക് അഞ്ച് ശതമാനം വർധിപ്പിച്ച കേന്ദ്ര സർക്കാർ തീരുമാനത്തിനു പിന്നാലെ സംസ്ഥാനത്ത് സ്വർണവില കുതിക്കുകയാണ്. ശനിയാഴ്ച 400 രൂപ കൂടി പവന് ഉയർന്നതോടെ കേന്ദ്ര സർക്കാർ തീരുമാനത്തിനു ശേഷം ആകെ ഉയർന്നത് 1160 രൂപയാണ്. പവന് വില 38,400 രൂപയായി ഉയർന്നു. വെള്ളിയാഴ്ച 760 രൂപയും ശനിയാഴ്ച 400 രൂപയും പവന് കൂടി. രൂപയുടെ മൂല്യം വീണ്ടും ഇടിഞ്ഞാൽ സ്വർണവില പരിധി വിട്ട് ഉയരും. നികുതി വർധനകൊണ്ടു മാത്രം പവന് 800 മുതൽ 1000 രൂപ വരെ ഇനിയും കൂടിയേക്കാമെന്ന സാഹചര്യത്തിൽ രൂപയുടെ മൂല്യമാണു വരും ആഴ്ചകളിൽ സ്വർണവിലയിൽ കാര്യമായ സ്വാധീനം ചെലുത്തുക. നിലവിൽ ഡോളറിനെതിരെ റെക്കോർഡ് തകർച്ചയിലാണു രൂപ. വരും ദിവസങ്ങളിൽ തന്നെ രൂപയുടെ മൂല്യം 80 കടക്കുമെന്നാണ് സാമ്പത്തിക വിദഗ്ധർ വിലയിരുത്തുന്നത്. റിസർവ് ബാങ്ക് ഓഫ് ഇന്ത്യ ഡോളർ വിറ്റഴിച്ചിട്ടും രൂപയെ രക്ഷിക്കാൻ കഴിയുന്നില്ലെന്നതാണു യാഥാർഥ്യം. ഡോളർ കരുത്താർജിക്കുന്നതു തുടർന്നാൽ രാജ്യത്തു സ്വർണവില കുതിച്ചുയരും. രാജ്യാന്തര വിപണിയിൽ വലിയ ഇടിവ് ഉണ്ടായെങ്കിൽ മാത്രമാണ് കേരളത്തിൽ നേരിയ വിലക്കുറവെങ്കിലും പ്രതീക്ഷിക്കേണ്ടത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കുwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
Video

ഇതാണ് പഴങ്കഞ്ഞിയും ചക്കപ്പഴവുമൊക്കെ കഴിക്കുന്ന ഇന്‍സ്റ്റഗ്രാമിലെ ആ ‘ഇംഗ്ലിഷുകാരി

MORE VIDEOS