ചുവന്ന തെരുവിൽ നിന്ന് രക്ഷപ്പെട്ട് നേപ്പാളിലെ സ്വന്തം ഗ്രാമത്തിലെത്തിയ സുശീല താപ്പ വീട്ടിലെത്തിയ ശേഷമാണ് ശരീരത്തിന്റെ പിൻഭാഗത്ത് വട്ടത്തിൽ തൊലി പോയതിനെക്കുറിച്ച് ശ്രദ്ധിച്ചത്. അതെങ്ങനെ സംഭവിച്ചുവെന്ന് എത്ര ആലോചിച്ചിട്ടും മനസിലായില്ല. മുറിവ് ഉണങ്ങിയതോടെ അതിനെക്കുറിച്ചു മറന്നു. നാട്ടിൽ നിന്നുപോയ മറ്റൊരു സ്ത്രീ കഴിഞ്ഞ വർഷം തിരിച്ചെത്തിയപ്പോൾ അവരുടെ ദേഹത്തും ഇതേ രീതിയിൽ തൊലിയില്ല...
