രാജ്യവിരുദ്ധ പരാമർശം: ജലീലിനെതിരെ കേസെടുക്കണം; പൊലീസിൽ പരാതി
![KT Jaleel | Photo: Facebook, @drkt.jaleel കെ.ടി.ജലീല് (Photo: Facebook, @drkt.jaleel)](https://img-mm.manoramaonline.com/content/dam/mm/mo/news/just-in/images/2022/8/16/kt-jaleel-1.jpg?w=1120&h=583)
Mail This Article
കൊച്ചി∙ കശ്മീർ വിഷയത്തിൽ രാജ്യവിരുദ്ധ പരാമർശം നടത്തിയ മുൻമന്ത്രി കെ.ടി.ജലീലിനെതിരെ കേസെടുക്കണം എന്നാവശ്യപ്പെട്ട് പൊലീസിൽ പരാതി. ക്രിസ്ത്യൻ അസോസിയേഷൻ ആൻഡ് അലയൻസ് ഫോർ സോഷ്യൽ ആക്ഷൻ (കാസ) പ്രസിഡന്റ് കെവിൻ പീറ്ററാണ് എറണാകുളം സെൻട്രൽ പൊലീസ് സ്റ്റേഷനിൽ പരാതി നൽകിയത്.
ഇന്ത്യൻ ഭരണഘടനയെ അവഹേളിച്ച് കെ.ടി. ജലീല് സമൂഹമാധ്യമത്തിൽ ലേഖനം പ്രസിദ്ധീകരിച്ചതു ചൂണ്ടിക്കാണിച്ചു നൽകിയ പരാതി പൊലീസ് സ്വീകരിച്ചു. ഇതിന്റെ നിയമവശങ്ങൾ പഠിച്ച ശേഷമായിരിക്കും തുടർനടപടികളെന്നു പൊലീസ് അറിയിച്ചു. തന്റെ പരാതിയിൽ പൊലീസ് കേസെടുക്കാത്ത പക്ഷം കോടതിയെ സമീപിക്കുമെന്നു കെവിൻ പീറ്റർ പറഞ്ഞു.
കശ്മീർ സന്ദർശനത്തിനിടെ സമൂഹമാധ്യമത്തിൽ എഴുതിയ കെ.ടി. ജലീലിന്റെ ‘ആസാദി കശ്മീർ’ പ്രയോഗം വിമർശനങ്ങളെ തുടർന്നു പിൻവലിച്ചിരുന്നു. അതേസമയം, ബിജെപി ജലീലിനെതിരായ പ്രതികരണം കടുപ്പിച്ചിട്ടുണ്ട്.
English Summary: Complaint against KT Jaleel over Azad Kashmir Remark