സിഡിഎസ് അംഗങ്ങൾ നിർബന്ധിച്ചു; ആസ്വദിച്ച് നൃത്തം ചെയ്ത് മന്ത്രി ബിന്ദു – വിഡിയോ
Mail This Article
തൃശൂർ ∙ കർഷക ദിനത്തിൽ നൃത്തം ചെയ്യുന്ന വിഡിയോ പങ്കിട്ട് മന്ത്രി ആർ.ബിന്ദു. കാട്ടൂർ ഗ്രാമപഞ്ചായത്തിൽ ഒരു പരിപാടിക്കെത്തിയപ്പോഴാണ് സിഡിഎസ് അംഗങ്ങൾക്കൊപ്പം മന്ത്രിയും ചുവടുവച്ചത്. നൃത്തം എപ്പോഴും ഉള്ളിന്റെയുള്ളിലെ വലിയ സന്തോഷമാണെന്ന്, രണ്ടു മിനിറ്റിലേറെ ദൈർഘ്യമുള്ള വിഡിയോ ഫെയ്സ്ബുക്കിൽ പങ്കുവച്ച് മന്ത്രി കുറിച്ചു.
മന്ത്രിയുടെ വാക്കുകൾ
നൃത്തം എപ്പോഴും ഉള്ളിന്റെയുള്ളിലെ വലിയ സന്തോഷമാണ്. നൃത്തകാലമൊക്കെ നിർത്തി പൊതുപ്രവർത്തക ആയതിൽപ്പിന്നെയും അതങ്ങനെത്തന്നെ. കർഷകദിനത്തിൽ കാട്ടൂർ ഗ്രാമപഞ്ചായത്തിലെ പരിപാടിക്കെത്തിയതാണ്. വേദി വിട്ടിറങ്ങിയപ്പോൾ സിഡിഎസ് അംഗങ്ങളുടെ നൃത്തം. കൂടെ ചുവടുവയ്ക്കാൻ അവർ നിർബന്ധിച്ചു. പകുതിയിൽ നിർത്താനും സമ്മതിച്ചില്ല. എന്തായാലും കർക്കിടകം മാഞ്ഞ് ഓണം പിറക്കുകയാണല്ലോ. അകത്തും പുറത്തും ഓണം തുളുമ്പുന്ന നാളുകളെ, പ്രകൃതിയും മനസ്സുകളും തമ്മിലെ ഗൂഢബന്ധത്തിന്റെ വിരിയലിനെ, ആണിവർ പാടിയാടുന്നത്. പങ്കു കൊള്ളാതെങ്ങനെ...
English Summary: Minister R Bindu participates in dance with CDS members