തമിഴ്‌നാട്ടിൽ മന്ത്രിക്കു നേരെ ‘സിൻഡ്രല്ലയുടെ’ ചെരുപ്പെറിഞ്ഞ് ബിജെപി: കൊണ്ടത് ആർക്ക്?

ഒരു വനിതയുടെ ചെരുപ്പാണു തമിഴ്നാട് രാഷ്ട്രീയത്തിലെ പുതിയ ചൂടുള്ള വിവാദം. സംസ്ഥാനത്തിന്റെ ധനമന്ത്രി പളനിവേൽ ത്യാഗരാജന്റെ (പിടിആർ) ഔദ്യോഗിക വാഹനത്തിനു നേരെ പാഞ്ഞു ചെന്ന ഒരു ചെരുപ്പ് സംസ്ഥാനത്തെ ബിജെപിയും ഭരണകക്ഷിയായ ഡിഎംകെയും തമ്മിലുള്ള തുറന്ന യുദ്ധത്തിനു കാരണമായിരിക്കുന്നു. എറിഞ്ഞത് ബിജെപി പ്രവർത്തകയാണെങ്കിലും ആ ഏറ് രാഷ്ട്രീയമായി കൊണ്ടത് ആർക്കാകും? അതാണു തമിഴ്നാട് ഇപ്പോൾ രസകരമായി ചർച്ച ചെയ്യുന്നത്.